Google ADS

Chelsea në finale të Kupës FA

17:51 | 22 Prill 2018
Arbresh Info

Chelsea ka siguruar biletën për finale të Kupës FA.

“Blutë” kanë mposhtur në gjysmëfinale Southamptonin me rezultat 2 me 0 për të siguruar kualifikimin tutje në ‘FA Cup’, shkruan portali arbresh.info.

Shpresa e skuadrës së Antoine Contes për të mbyllur sezonin me një trofe vazhdon të jetë ende e gjallë pas fitores së siguruar pasditen e sotme (e diele) në Wembley.Vetëm një minutë pas fillimit të pjesës së dytë, sulmuesi Olivier Giroud realizoi golin e epërsisë për 1 me 0 në stilin e superyllit Lionel Messi pasi shkatërroi mbrojtjen e skuadrës së Mark Hughes.

Alvaro Morata, i cili u inkuadrua në fushë në minutën e 80′, realizoi golin tjetër të ndeshjes vetëm dy minuta pas zëvendësimit. Ish ylli i Real Madridi shënoi me kokë pas një super krosimi në distancë nga Cesar Azpiliocueta.

Finalja e Kupës FA do të zhvillohet më 19 maj dhe rivali i ardhshëm Contes do të jetë skuadra e Jose Mourinhos – Manchester Untied./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm